《食個公仔面姐 好似做賊咁》
隔離病房其實都是一個幾高壓的地方
我成日返工都黑起塊面
因為我會好用心咁記住咩係乾淨咩係dirty
D infection control原則一定要好清晰
點除裝備@次序 @自己有無搓手之類
岩岩無啦啦醒起件趣事分享下🤣
因為都令我係高壓環境笑左一下
有日夜晚做當值夜班主管
見到個病格入面圍起晒簾
我又咁岩夠鐘要入去幫病人探熱
一打開見佢開住個床頭燈
雙手托住碗麵
個樣勁驚訝望住我
好似俾人捉黃腳雞捉姦在床咁嘅樣
當下我都嚇咗條然後得啖笑
🤡：唔係呀嘛 你煲水煮野食？
🙀： 我真係好肚餓呀 唔係好大煙姐
我遠離左個煙霧警報器架
通融下姑娘！
🤡： 你咁樣如果著左警報器好大獲架！
又唔知對個負壓有無影響
一陣倒瀉又整親自己
夜媽媽烏燈黑火咁喺度食
🙀： 我下次唔會架啦！但係...
🤡: 但係咩？
🙀： 可唔可以食埋依個面先
🤡： 唔煮都煮好左 食完好處理左佢🙄
隔離生活又真係無淡好食 醫院餐難食到嘔
難怪佢咁鬼鬼鼠鼠凌晨兩點煮麵食
睇完佢咁樣食 我都好肚餓
佢d辛辣麵真係好香🥺
奇怪其他病人又無人理佢架wo😂
都無再見佢整 actually 好快佢都discharge左
但果一個moment又餓又凍 又慘少少
#虎紋姑娘 #隔離病房dirtyteam日常 #為何深夜總是餓
Search